Une beste, qui a non serre, [387]
Si n'abite nient en terre,
Mes en oele grant mer habite.
Ceste beste n'est pas petite,
Einz est durement corporus;
Granz eles a la beste mue.
Quant ele veit en oele mer
Ces nes et ces dromonz sigler,
En ses eles requeut le vent,
Vers la nef sigle durement,
Le vent la porte nor ees undes,
Qui sunt salees et parfondes.
Issi vet longuement siglant,
Tant quele ne puet en avant. [400]
Donc chiet aval et se recreit,
Et la mer la sorbist et beit,
Et le tret aval en parfont.
Les notoniers qui par mer vont
Ne la quierent je encoutrer;
Quer c'est un grant peril de mer;

Si fet eovent les nes perir,
A qui ele puet avenir.
Iceste beste, sanz dotance,
Done moult grant senefiance.
La mer, qui est grant et parfunde,
Senefie cest present (a) munde,
Qui moult est mauves et amer
Et perillos comme la mer.
Cil qui par la mer siglant vont
Senefient les boens qui sunt,
Qui vont par cest monde noant
Et lor nes adreit oonduiant
Par les undes, par les tormenz,
Contre les periz et les venz;
C'est a dire et a entendre:
Ce sunt li boen, que entreprendre
Ne puet cil, ne fere neier.
Qui ne fine de guerreier;
Parmi cest monde vont siglant [425]
Li boen prodome, et naiant (a)

Si dreit, que li fel aversier
Ne les puet fere perillier.
La beste donc je vos ai dit,
Qui par la mer sigle un petit,
Puis recreit et chíet en parfont,
Senefie plusors qui sunt
Qui commencent bien a ovrer,
A servir Deu, et a amer;
Et quant il vienent es periz
Des granz eses et des deliz,
Des conveitises, qui granz sont,
Qui les plusors reneîer font,
Don recreient do dreit nagier;
Adonc les estuet perillier,
Et chaer es aversites,
Es pechiez et iniquites,
Qui les treent el fonz d'aval
Dedenz la meson infernal.

El Bestiaire a moult a dire,
Grant essample et bele matire.
Et semence et bele reson.
Or vos dirou del hericon,
Qui est fet comme un porcelet.
Quant il alete petitet.
Moult par est richement arme,
Quer de nature est espine;
Et quant il ot, ou veit, ou sent,
Pres de lui ou beetes ou gent.
En ses armes se clot et serre.
Puis ne dote gueres la guerre.
D'ome ne se puet pas deffendre:
Mes se beste le voleit prendre,
Ne sai comment le devorast,
Que malement ne l'enpeirast.
Moult est cointes li hericons,
Qui maint es bois et en buisons.
Une moult grant cointise fet.

Quant sa viande guerre vet;
Tote sa petite aleure,
S'en vet a la vigne meure,
Tant fet, qu'a la vigne est monte
Ou plus a de resins plente;
Si la croule si durement
Que il chient espessement.
Quant a terre sunt espandu,
Et il est aval descendu,
Par desus se voutre et enverse,
Et au lonc et a la traverse,
Tant que les resins sunt ?chees
Es brochettes qui sunt deugees;
Et quant s'est charchíe durement,
Si s'en torne tot belement
A son recet, a ses foons;
Et tant cum dure la sesons
Des pomes, fet-il autresi
Comme des resins que je di.

Boen crestien, qui reson as,
Ceste essample n'obIíe pas;
Mes garde-tei del hericon.
Del traiter cuvert felon,
Del malfe qui toz jorz engigne,
Comme il fet le fruit de la vigne
Se nule boene ovraigne as fete,
Le deable toz jorz aguete,
Quant t'a trai et enginnie
Et bota en aucun pechie,
Tant qu'il puisse le fruit escorre,
Qui te deit edíer et secorre.
Des que li deables aprent
Que la cure de mont in prent,
De bien boter en toi se haste,
Ton fruit esperitel te gaste,
Ta vigne et ton pommier esoout;
lssi te guerreie partout.

Imes vos vodron raconter
D'une grant mervelle de mer.
En mer sunt les peissons divers
Comme eu ia terre sunt les vers,
Et li oisel amont en l'eir.
Li un sunt blanc, li autre neir,
Li un vait et li autre bis.
Ausi en mer, ce vos plevís,
Sunt li peîsson diversement;
Mes l'en ne puet mie esement,
De ceus les natures saveir,
Com l'en pue! des besles por veir.
En la mer qui est grant et saine
Est l'esturjon, et la baleine,
Et le torbot, et le graspeis,
Et un grant qui a non porpeis.
Mes un monstre i a mervellos,
Trop cuvert et trop perillos;
Cetu a non, selon latin.
As mariniers est mal veisin.
Autretel est comme sablon:
Les cherde de son dos en son. [2100]
Quant il se lievo en oele mer,
Cil qui par la deivent sigler
Cuident bien que une ille soit;
Mes esperanoe les deceit.
Por la grandor qui est en lui,
Ileques vieneut a refui,
Por la tormente qui les chace.
Entrer cuident en boene place;
Lor ancres gietent, lor feu font,
Lor mengíer cuisent sor ce mont;

Et, por lor nef bien atachier,
Font granz peus el sablon ?chier,
Qui semble terre a lor avis.
Puis font grant feu, ce vos plevis.
Quant cel monstre la chalor sent,
Del feu qui desus lui esprent,
Donc se plunge par grant rador,
Aval en la grant parfondor,
Et fet o sei la nef plungier
Et une la gent periller.
Tot autresi sunt deceu
Li cheitif dolent mescreu,
Qui el deable ont lor fiance,
Es font delai et demorance
En ovraignes que pechie veut, [2125]
Donc la cheitîve ame se deut.
La ou el meine se done garde
Vient Ii lerres, que mal feu arde.
Quant bien le sent a sei aers,
O sei le plunge tot evers,
En mi enfer el plus parfont:
Cil sunt periz qui laen vont.
Icest poisson, quant fain le prent,
Bee la gole durement:
Donc ist de sa boche un odor
Qui moult est de boeno savor.
Cele part vienent de randon
Maintenant li autre peisson;
Si se lancent a moult grant foule
Trestuit ensemble ens en sa goule
Por l'odor qui boene lor semble,
Et cil les transglout toz ensemble

En sa pance qui est si lee
Comme ce fust une valee.
Le deable, tot ensement,
La gole bee durement
Vers la gent de petite fei,
Tant qu'il les a atret a sei;
Quer cil qui petite fei ont
Et de fieble creance sont,
Sunt moult legier a acrochier,
De celui qui set aachier.
Il lor fet un aachement [2150]
Qui primes est moult doucement;
Apres desfine en marrement.
Quant de ce les a sachiez,
Tant qu'il les a moult enlaciez,
Bee la gole, s'es transglout;
Ja n'iert saoul, tant par est glout
Li grant peisson s'en garde bien;
Que il ne lor forfet de rien.
Et savez vos qui li grant sont?
Li boen qui boeue creance ont,
Qui toz jorz sunt boen et estable
A Deu le pere esperitable.
En ceus qui de lui ont memoire
N'aura ja deable victoire;
Mes li dolenz, li mescreant
Qui vont en la fei Deu dotant,
Qui sunt en creance petit,
Si courent apres le delit;
Et deable, qui les deoeit,
Bee la gole, s'es receit.